2.0 Movie Review

Starring : Rajinikanth, Akshay Kumar, Amy Jackson
Director : S. Shankar
Producer : A. Subaskaran
Music Director : A.R. Rahman
Cinematographer : Nirav Shah
Editor : Anthony
Release date : November 29, 2018

శంకర్, రజినికాంత్ కాంబో మూవీ అంటేనే భారీ అంచనాలు ఉంటాయి. ఇక ఆ సినిమా రోబో లాంటి ఓ సూపర్ హిట్ సినిమాకు సీక్వల్ అయితే ఎలా ఉంటుంది. 2.ఓగా రోబో సీక్వల్ తీసిన శంకర్ సినిమా టీజర్, ట్రైలర్ తో భారీ అంచనాలు ఏర్పరిచాడు. ఈరోజు ప్రేక్షకుల ముందుకు వచ్చిన ఈ సినిమా ఎలా ఉందో ఈనాటి సమీక్షలో చూద్దాం.

కథ :

మానవజాతి మొత్తం సెల్ ఫోన్స్ తో బిజీగా మారింది. ఫోన్ ఫ్రీక్వెన్సీ ఎలా ఉంది వాటి వల్ల ఎవరికి ఎలాంటి అరిష్టం కలుగుతుంది ఇవేమి ఆలోచించడం లేదు. ఈ క్రమంలో పక్షి రాజైన అక్షయ్ కుమార్ చిన్ననాటి నుండి పక్షులతో ప్రేమగా ఉంటాడు. పక్షులను పెంచుతూ వాటి బాగోగులు చూసుకుంటాడు. అయితే సెల్ ఫోన్ రేడియేషన్ వల్ల రాను రాను పక్షులు చనిపోతుంటాయి. ఈ విషయం పట్ల ప్రభుత్వాన్ని అడిగినా పెద్దగా రెస్పాన్స్ ఉండదు. అందుకే పక్షులన్ని చనిపోవడం జీర్ణించుకోలేని పక్షి రాజు సెల్ టవర్ కు ఉరి వేసుకుని చనిపోతాడు. ఇందుకు కారణమైన మనుషుల మీద పగ పెంచుకుంటాడు. హఠాత్తుగా అందరి సెల్ ఫోన్స్ మాయవడం జరుగుతుంది. దీనికి కారణం తెలుసుకునేందుకు సైంటిస్ట్ వసీకర్ (రజినికాంత్) తన ఫోన్ ద్వారా అసలేం జరుగుతుదని కనిపెడతాడు. పక్షి రాజుని కేవలం చిట్టి ద్వారానే అంతమొందించగలం అని ప్రభుత్వానికి చెబుతాడు. మొదట ప్రభుత్వం దానికి ఒప్పుకోకున్నా పక్షిరాజు చేస్తున్న ప్రాణ నష్టాన్ని చూసి చిట్టిని రంగంలో దించుతారు. చిట్టి వర్సెస్ పక్షి రాజు యుద్ధం మొదలవుతుంది. ఫైనల్ గా చిట్టి రోబో పక్షి రాజుని ఎలా సం హరించాడు అన్నది సినిమా కథ.

ఎలా ఉందంటే :

సెల్ ఫోన్స్ ఫీక్వెన్సీ వల్ల పక్షులు చనిపోవడం అని శంకర్ రాసుకున్న కాన్సెప్ట్ అద్భుతమని చెప్పొచ్చు. ముఖ్యంగా సెల్ పోయిన తర్వాత ప్రజలు తమ కష్టాలు చెఒప్పుకోవడం చూస్తే సెల్ ఫోన్ వారి జీవితంలో ఎంత భాగమైందో అర్ధమవుతుంది. ఇక ఎంచుకున్న కథ బాగున్నా దాన్ని నడిపించిన విధానంలో తప్పటడుగులు పడినట్టు అనిపిస్తుంది.
కథనంలో కేవలం పక్షి రాజుని అంతమొందించడం ఒక్కటే టార్గెట్. అందుకే వసీకర్ ప్రయత్నిస్తాడు. ఈ క్రమంలో అక్కడక్కడ కాస్త ల్యాగ్ అయినట్టు అనిపిస్తుంది. వావ్ ఫ్యాక్టర్స్ ఉన్నా అక్కడక్కడ ఎందుకో అటు ఇటుగా ఉంటుంది. సినిమాలో విజువల్ ఎఫెక్ట్స్ మాత్రం న భూతో న భవిష్యత్ అనేలా ఉన్నాయి.
సినిమాకు ప్రాణం పోసింది గ్రాఫిక్స్ అని చెప్పొచ్చు. ముఖ్యంగా పక్షి రాజుగా అక్షయ్ కు వాడిన విజువల్ ఎఫెక్ట్స్ బాగున్నాయి. ఇంటర్వల్, క్లైమాక్స్ సీన్స్ బాగున్నాయి. రోబో సర్ ప్రైజ్ గా అనిపించడం వల్ల ఈ సీక్వల్ మీద ఇంకా ఏదో ఉంటుందని అంచనాలు పెంచుకున్నారు. ఆ అంచనాలను సినిమా అందుకునందని చెప్పొచ్చు.

న‌టీన‌టులు :

ఇందులో మూడు ర‌కాలైన ర‌జ‌నీల‌ను చూడొచ్చు. ఒక‌టి వ‌శీక‌ర్. రెండు చిట్టి, మూడు 2.ఓ. ఈ మూడు ద‌శ‌ల్లో అమితంగా ఆక‌ట్టుకున్న‌ది 2.ఓగానే. ప్రీ క్లైమాక్స్‌లో ర‌జ‌నీ విన్యాసాలు ఫ్యాన్స్‌కి న‌చ్చుతాయి. `నెంబ‌ర్ వ‌న్‌` గురించి చెప్పేట‌ప్పుడు ర‌జనీ పేల్చిన డైలాగులు.. ఫ్యాన్స్‌కి కిర్రెక్కించేవే. ఇక వ‌శీక‌ర్‌, చిట్టి… `రోబో` సినిమాలో చూసిన‌ట్టే క‌నిపించారు. అక్ష‌య్‌కుమార్‌ని గ్రాఫిక్స్ మింగేశాయా? అనిపిస్తుంది. ఇంట్ర‌వెల్ బ్యాంగ్ వ‌ర‌కూ అక్ష‌య్‌ని దాచేశాడు శంక‌ర్‌. ద్వితీయార్థంలో ఓ ప‌దినిమిషాల పాటు అక్ష‌య్ ఫ్లాష్ బ్యాక్ సాగుతుంది. ఆ త‌ర‌వాత మ‌ళ్లీ గ్రాఫిక్స్‌లోకి మారిపోయాడు అక్ష‌య్‌. అక్ష‌య్ లాంటి న‌టుడు ఉండ‌డం వ‌ల్లే ప‌క్షిరాజు పాత్ర‌కు అంత వెయిటేజ్‌వ‌చ్చింది. ఓ సోష‌ల్ మెసేజ్‌ని కూడా పాస్ చేయ‌గ‌లిగాడు ద‌ర్శ‌కుడు. అమీ జాక్స‌న్‌ని అంద‌మైన రోబోగా మార్చేశాడు శంక‌ర్‌. స‌నాని కేవ‌లం సెల్‌ఫోన్ మాట‌ల‌కే ప‌రిమితం చేశాడు.

సాంకేతిక వ‌ర్గం :

టెక్నిక‌ల్‌గా ఉన్న‌తంగా ఉంది 2.ఓ. మ‌రీ ముఖ్యంగా విజువ‌ల్ ఎఫెక్ట్స్‌. అంత‌ర్జాతీయ నిపుణుల‌తో రూపొందించ‌డం వ‌ల్ల‌, ఈ స్థాయిలో ఖ‌ర్చు పెట్ట‌డం వ‌ల్ల వాటికో నిండుద‌నం వ‌చ్చింది. రెహ‌మాన్ ఇచ్చిన నేప‌థ్య సంగీతం మ‌రో ప్ర‌ధాన ఆక‌ర్ష‌ణ‌. ఈమ‌ధ్య అంత‌ర్జాతీయ చిత్రాల‌కు ప‌నిచేసి, ప‌నిచేసి మ‌రింత రాటు దేలిన రెహ‌మాన్‌.. ఆ స్థాయిలోనే ఆర్‌.ఆర్ అందించాడు. క‌థ‌కుడిగా శంక‌ర్ ఎప్పుడూ నిరుత్సాహ‌ప‌ర‌చ‌లేదు. త‌న ప్ర‌తీ సినిమాలోనూ బ‌ల‌మైన క‌థ ఉంటుంది. అయితే.. ఈసారి క‌థ‌ని సాంకేతిక‌త మింగేసింద‌నిపిస్తుంది. త‌ను బ‌లంగా న‌మ్మిన లైన్‌లోనే.. త‌న‌దైన సామాజిక అంశాన్ని జోడించి చెప్పాల‌నుకున్నాడు. అందుకే.. కొన్ని ప‌రిమిత‌ల‌కు లోబ‌డిపోయి ఈ క‌థ అల్లుకున్నాడేమో అనిపిస్తుంది.

ప్లస్ పాయింట్స్ :

రజినికాంత్
అక్షయ్ కుమార్
సినిమాటోగ్రఫీ
విఎఫెక్స్ ఎఫెక్ట్స్

మైనస్ పాయింట్స్ :

అక్కడక్కడ స్లో అవడం
రొమాన్స్ లేకపోవడం
ఎమోషనల్‌గా ఆకట్టుకోలేకపోవడం
ఏఆర్ రెహ్మాన్ ప్రభావం కనిపించకపోవడం

రేటింగ్ : 3.5/5

Loading...